**
صبري قضى والخل طوّل غيابـه
والحال يشكي من عنا البعد مشتاق
**
رح يارسول الشوق لي حد بابـه
سلم عليه وبلغـه حـر الأشـواق
**
قله ترى الساري من الشوق صابه
بعض الجنون وقلبه اليوم خفـاق
**
بعدك جرح قلبه وهمـك سرابـه
يخشى وصالك ينقلب صد وفـراق
**
عقبـك حياتـه ياحياتـه رتابـه
عايش على ذكراك حافظ لميثـاق
**
وأوصيك يالمرسـال بلـغ جنابـه
أني عليه أوله وللشـوف تـواق
**
وان البشر صارت بعيني تشابـه
وحده فرق عنهم وساكن بالاعماق
**
حبي له اكبر من حروف الكتابـه
مايوصفه نزف القلم فوق الأوراق
**
حيثه ملك كـل الحـلا والمهابـه
وعنه البعاد اليوم ماعـاد ينطـاق
**
وآخـر وصيـه لا تكثـر عتابـه
خله على كيفه وخلـه للاشـواق
**
أن جاء معود قلت يامرحبـا بـه
وأن كانت الفرقاء فياموت مشتاق
**
****
******
![::[[ ~ منتديات كلي دلع ~ ]]::](https://2img.net/s/t/13/89/39/i_logo.gif){kind=logo}
